युवासंघले दैलेखमा रोप्यो बिभिन्न प्रजातिका १५० बढी बिरुवा

१२९ पटक पढिएको

तेजेन्द्र शाही, दैलेख- राष्ट्रिय युवा सङ्घ जिल्ला कमिटी दैलेख ले आज वृक्षारोपण कार्यक्रम सम्पन्न गरेको छ।

राष्ट्रिय युवा संघ नेपालको केन्द्रीय निर्देशन अनुसार राष्ट्रिय वृक्षरोपण तथा ७४ औँ मदन भण्डारी जयन्ती दिवसको अवसर पारेर असार १४ गतेबाट साउन १५ गतेसम्म एक महिने देशव्यापी वृक्षारोपण कार्यक्रम सम्पन्न गरेको हो।

“एक युवा पाँच बिरुवा संरक्षण प्रकृति को सुरक्षा सन्ततिको ” भन्ने नारालाई आत्मसात गर्दै  जिल्ला कमिटी दैलेखले  जिल्लाका विभिन्न ठाउँहरूमा विभिन्न प्रजातिका करिब १५० भन्दा बढी बिरुवाहरु रोपिएको राष्ट्रिय युवा संघ नेपाल जिल्ला कमिटी दैलेखका उपाध्यक्ष देवेन्द्र बहादुर शाहीले जानकारी दिए।

साथै उनले यो कार्यक्रम राष्ट्रिय वृक्षारोपण तथा ७४ औँ  मदन भण्डारी जयन्ती दिवस अन्तर्गतको एक कार्यक्रमलाई मात्रै नहेरेर आफू हरूले  वृक्षारोपण गर्दा वर्तमान अवस्थामा जलवायु परिवर्तनका कारणले  बिग्रिँदै गरेको वातावरणको अवस्थालाई  हेर्दै भविष्यमा यसले पार्न सक्ने समस्या र चुनौतीलाई मध्यनजर गर्दै  उपयुक्त ठाउँमा उपयुक्त बिरुवा रोपिएको बताए।

मानवीय अस्तित्वलाई बचाइ राख्न अर्थात् कुनै  पनि काम गर्नलाई स्वच्छ वातावरण हुनुपर्ने र स्वच्छ वातावरण हुनको लागि बोट बिरुवा रोप्न र जगेर्ना गर्न महत्वपूर्ण रहेकाले आफूहरूले यो अभियान मार्फत बिरुवा रोपेको र आगामी दिनहरूमा पनि यस्तै कार्यक्रमहरू गर्दै जाने बताए।

त्यस्तै कार्यक्रममा सहभागी नेकपा एमाले जिल्ला कमिटी दैलेखका अध्यक्ष सूर्यबहादुर शाहीले राष्ट्रिय युवा सङ्घ नेपालले राष्ट्रिय वृक्षरोपण तथा ७४ औँ मदन भण्डारी जयन्ती दिवस मा देशैभरि एक महिना वृक्षारोपण गर्ने निर्णय एकदमै उत्कृष्ट र राम्रो हो।  हाम्रा यतिबेला प्रशस्त ठाउँहरू खाली देखिन्छन् त्यस्ता ठाउँमा वृक्षारोपण गरेर  प्राकृतिक वातावरण लाई समेत सन्तुलनमा राख्न सकिन्छ।

राष्ट्रिय युवा संघ नेपाल ले आगामी दिनहरूमा पनि यस्तै कार्यक्रमहरू  गरेर अझ केही फरक गर्न सकिने बताउनुभयो। साथै उहाँले आफूलाई यस कार्यक्रममा सहभागी हुने अवसर दिएकोमा खुसी समेत व्यक्त गर्नुभयो। राष्ट्रिय युवा संघ नेपालले राष्ट्रिय वृक्षरोपण तथा ७४ औँ मदन भण्डारी जयन्ती दिवस को अवसरमा देशव्यापी रुपमा वृक्षारोपण कार्यक्रम चलाएको थियो। कार्यक्रम मा नेकपा एमाले दैलेख जिल्ला अध्यक्ष जनप्रतिनिधि तथा युवा संघ नेपाल का नेता बुद्धिजीवी र स्थानीयहरूको उल्लेखनीय सहभागिता रहेको थियो।