किड्नीमा पत्थरी देखिएपछि बागमती प्रदेश प्रमुख अस्पतालमा भर्ना

बागमती- बागमती प्रदेश प्रमुख दीपक प्रसाद देवकोटालाई स्वास्थ्यमा समस्या देखिएपछि अस्पतालमा भर्ना गरिएको छ ।

प्रदेश प्रमुखको कार्यालयद्वारा बिहीबार जारी गरिएको विज्ञप्तिअनुसार उहाँलाई काठमाडौंको ग्राण्डी अन्तर्राष्ट्रिय अस्पताल, धापासीमा भर्ना गरी उपचार थालिएको हो ।

प्रदेश प्रमुखको किड्नीमा पथ्थरी देखिएपछि चिकित्सकको सल्लाहअनुसार उहाँलाई अस्पतालमै राखेर उपचार भैरहेको प्रदेश प्रमुख कार्यालयका प्रवक्ता देवेन्द्र सापकोटाले जानकारी दिनुभयो ।