कावासोती खरकट्टा जंगलमा अनियन्त्रित भई बस पल्टियो, १३ जना घाइते

२४३ पटक पढिएको

साउन ३०- नवलपुरको कावासोती नगरपालिका ८ स्थित खरकट्टा जंगलमा बस दुर्घटना हुँदा १३ जना घाइते भएका छन्।

बिहान करिब १० बजेको समयमा कावासोती न.पा. ८ खरकट्टा स्थित पूर्व पश्चिम राजमार्गमा डण्डा बाट नारायणगढ तर्फ जाँदै गरेको ना ४ ख ७७७६ नं. को बस आँफै अनियन्त्रित भई दुर्घटना भएको थियो।

बसमा सवार २४।२५ जना मध्ये १३ जना घाइते भई उपचारको लागी भरतपुर तर्फ र कावासोती स्थानिय अस्पताल पठाइएको जिल्ला प्रहरी कार्यालय नवलपुरले जानकारी दिएको छ।

सबै घाइतेको अवस्था मध्यम र सामान्य रहेको छ। घटनाको सम्बन्धमा थप विवरण लिने कार्य भईरहेको प्रहरीले बताएको छ।