गैंडाकोटमा ईभी माइक्रो र मोटरसाइकल ठोक्किँदा एकजना घाइते

२१४ पटक पढिएको

साउन ३१ – गैंडाकोटमा ईभी माइक्रो र मोटरसाइकल ठोक्किँदा एकजना घाइते भएका छन्।

नवलपुरको गैंडाकोट नगरपालिका ५ स्थित आदर्श चोक स्थित राजमार्गमा बिहान करिब ८ बजे नारायणगढ बाट पश्चिम दाङ तर्फ जाँदै गरेको लु प्र. ०१-००१ ख ०७५५ नम्वरको ईभी माइक्रो र बिपरीत दिशा बाट आउदै गरेको ना.५० प १७१ नं.को मो.सा.एक आपसमा ठक्कर खाई दुर्घट्ना भएको जिल्ला प्रहरी कार्यालय नवलपुरले जानकारी दिएको छ।

दुर्घटनामा मोटरसाइकल चालक पर्सा जिल्ला पिपरा गा.पा.२ भिखम्पु घर भई गैडाकोट ४ मा  बस्ने बर्ष अं. ४० को महेश राउत कुर्मी रहेको प्रहरीले जानकारी दिएको छ।

घाइतेको नारायणी सामुदायिक अस्पताल भरतपुर चितवनमा उपचार भैरहेको छ। कुर्मीको बाँया खुट्टाको घुँडा भन्दा मुनि चोट रहेको र उनको अबस्था मध्यम रहेको प्रहरीले जानकारी दिएको छ।

ईभि चालक दाङ घोराही न.पा.वडा नम्वर १० नारायणपुर बस्ने बर्ष ३२ को करन अर्याललाई प्रहरीले नियन्त्रणमा लिई थप अनुसन्धान भैरहेको बताएको छ।