फिल्म द ब्लू लाइटको नयाँ गीत- “दुई अक्षरको माया” सार्वजनिक

१६७ पटक पढिएको

काठमाडौं । फिल्म ‘द ब्ल्यू लाइट’ को दोस्रो गीत सार्वजनिक गरिएको छ। निर्माण पक्षले बिहिबार युट्युब च्यानल ‘मौरी पिक्चर्स’मार्फत ‘दुई अक्षरको माया’ बोलको गीत रिलिज गरेको हो।

उक्त गीतमा प्रवेश राईको स्वर, डीपी खनालको शब्द र एसडी योगीको संगीत रहेको छ । प्रेम र सम्बन्धबारे कथा रहेको उक्त गीतमा दुई अक्षरको शब्द ‘माया’लाई बुझ्न कति कठिन छ भन्ने उल्लेख गरेको छ ।

गीतको भिडियोमा चलचित्रमा दुई मुख्य कलाकार अपर्ण थापा र बेनिशा हमालको अभिनय छ । उनीहरूबीचको प्रेम र सम्बन्धलाई गीतले देखाउने प्रयास गरेको छ ।

बलिराम चौहानको निर्देशनमा तयार भएको यो फिल्म आगामी माघ १६ गते देखि देशभर प्रदर्शन हुँदैछ। फिल्ममा आयुष्मान, बेनिशा, अर्पण र सृष्टिका साथै महेश त्रिपाठी र सुरक्षा इटानीको पनि मुख्य भूमिका छ। स्काइफल पिक्चर्सको प्रस्तुति रहेको फिल्ममा अभिनेत्री बेनिशा हमाल र छायाकार नरेन्द्र मैनाली कार्यकारी निर्माताका रूपमा छन्।  रेन्द्र मैनालीकै छायांकन रहेको फिल्मको प्रोडक्सन डिजाइनर रेलिजा श्रेष्ठ हुन्।

साइकोलोजिकल थ्रिलर जनरामा बनेकाले यो फिल्मप्रति दर्शकको छुट्टै चासो देखिएको छ।