गैंडाकोटको आधारभूत शिक्षा परिक्षा (कक्षा ८) मा सहभागी १५४३ जना विद्यार्थीमध्ये ५०५ फेल!!

५६३ पटक पढिएको

नवलपुर अनलाइन, चैत २६ – गैंडाकोट नगरपालिकाको आधारभूत शिक्षा परिक्षा (कक्षा ८) मा सहभागी भएका कूल १५४३ जना विद्यार्थीमध्ये १०३८ जना उत्तीर्ण भएका छन्।

परिक्षामा सहभागी भएकाहरुमध्ये ५०५ जनाले एनजी (Not Graded) अङ्क प्राप्त गरेकोले पुन: परिक्षा दिनुपर्ने भएको छ।

आज गैंडाकोट नगरपालिकाले सार्वजनिक गरेको नतिजा अनुसार कूल ३९ विद्यालयबाट सहभागी भएका १५४३ विद्यार्थीमध्ये माथिल्लो कक्षामा अध्ययन गर्न पाउने विद्यार्थीको संख्या १०३८ रहेको नगर शिक्षा अधिकारी डा. बालकृष्ण चापागाईंद्धारा हस्ताक्षरित सूचनामा उल्लेख छ।

१९ सामुदायिक विद्यालयबाट परिक्षामा सहभागी ९११ विद्यार्थीमध्ये ५२७ विद्यार्थी उत्तीर्ण भएका छन्। १६ संस्थागत विद्यालयबाट सहभागी भएका ६१५ विद्यार्थीमध्ये ४९८ जना उत्तीर्ण भएका छन्। त्यस्तै ४ धार्मीक विद्यालयबाट परिक्षामा सहभागी १७ जना विद्यार्थीमा १३ जना उत्तीर्ण रहेको सूचनामा उल्लेख गरिएको छ।

१०३८ जना उत्तीर्ण विद्यार्थीहरुमध्ये ३ जनाले ५ जीपिए ल्याउन सफल भएका छन्। सामुदायिक तर्फ सहभागी १९ विद्यालयमध्ये कालिका र जनक स्कुलका २ विद्यार्थीले ४ जीपिए ल्याएका छन। संस्थागत तर्फ सहभागी १६ विद्यालयमध्ये मुकुन्दसेन इङ्गलिस बोर्डिङ्ग स्कूलका एक विद्यार्थीले ४ जीपिए ल्याएका हुन्। गैंडाकोट नगरपालिकामा रहेका संस्थागत तर्फका ए ग्रेडका स्कुललाई पछि पार्दै मुकुन्दसेन इङ्गलिस बोर्डिङ्ग स्कुलले उत्कृष्ट नतिजा ल्याउन सफल भएको छ।

थप जानकारीको लागि तलको सूचना हेर्नुहोला।