एसीसी प्रिमियर कपको उपाधि नेपाललाई

काठमाडौँ । एसिसी प्रिमियर कप एकदिवसीय क्रिकेटको फाइनल खेलमा अन्तत: युएईलाई हराउँदै नेपाल एसिया कपमा छनोट भएको छ । कीर्तिपुरस्थित त्रिभुवन विश्वविद्यालयको क्रिकेट मैदानमा आज भएको फाइनल खेलमा युएईलाई ७ विकेटले हराउँदै नेपाल एसिया कपमा छनोट भएको हो ।

नेपालका युवा अलराउन्डर गुलशन झा र भीम सार्कीको महत्वपूर्ण साझेदारीमा नेपाल नेपाल एसिया कपमा छनोट हुन सफल भएको हो । गुलशनले एसिसी प्रिमियर कपको फाइनलमा युएईविरुद्ध आक्रामक अर्धशतक प्रहार गरेका छन् । गुलशनको यो ओडिआई करिअरको दोस्रो अर्धशतक हो ।

खेलमा युएईले ३३.१ ओभरमा सबै विकेट गुमाउँदै ११७ रनमा समेटियो भने घरेलु टोली नेपाललाई जितका लागि ११८ रनको सामान्य चुनौती दिएको थियो ।

हिजो टस हारेर पहिले ब्याटिङ गरेको युएईले २७.३ ओभरमा ९ विकेट गुमाउँदै १०६ रन बनाएको थियो । खेल वर्षाका कारणले रोकिएपछि आज हिजोकै ओभरबाट खेल सुरु भएको थियो ।

काठमाडौंमा जारी एसीसी प्रिमियर कपको उपाधि नेपालले जितेको छ ।

सोमबार र मंगलबार भएको फाइनल खेलमा युएईलाई ७ विकेटले हराउँदै नेपालले उपाधि जितेको हो ।