गैँडाकोट र भरतपुरमा काम पूरा नगर्ने तीन निर्माण कम्पनी कालोसूचीमा

२२८ पटक पढिएको

गैँडाकोट नगरपालिका र भरतपुर महानगरपालिकामा तोकिएको म्यादभित्र जिम्मेवारी पूरा नगर्ने तीन ठेकेदार कम्पनी कालोसूचीमा परेका छन्।

   

प्रधानमन्त्री तथा मन्त्रिपरिषद्को कार्यालयअन्तर्गतको सार्वजनिक खरिद अनुगमन कार्यालयले ती तीन कम्पनीलाई १ देखि ३ वर्षसम्म कालोसूचीमा राखेको हो ।

कार्यालयको भदौ १८ गतेको निर्णयानुसार सार्वजनिक खरिद ऐन, २०६३ को दफा ६३ को उपदफा (१) बमोजिम कम्पनीलाई कालोसूचीमा राखिएको कार्यालयले जानकारी दिएको छ । सूचना प्रकाशित भएको मिति (भदौ १९) देखि लागू हुने गरी कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नपाउने कार्यालयले बताएको छ ।