वीरगंजनमा हनुमान जन्मजयन्तीको र्‍यालीमा झडप: १३ प्रहरी घाइते, भोलिसम्म कर्फ्यु !

३९१ पटक पढिएको

वीरगञ्ज – हनुमानको जन्मजयन्तीको अवसरमा निकालिएको -यालीको बिषयलाई लिएर वीरगञ्जको छपपैयामा आज शनिबार साझ झडप भएपछि स्थानीय प्रशासनले कर्फयु आदेश जारी गरेको छ । आज शनिबार ६ः३० बजेदेखि भोली दिउसो १२ बजेसम्मका लागि कर्फयु आदेश जारी भएको हो ।

पूर्वः भेडियाही चौक, पश्चिम सिर्सिया पुल उत्तर गण्डक चौक दक्षिण शंकराचार्य गेटसम्म कर्फयु आदेश जारी भएको हो । उक्त सीमाना भित्र कसैले आवत जावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कफ्र्यू आदेश जारी गरिएको छ ।

जातीय झडपमा एक पसल, दुई मोटरसाईकलमा तोडफोड भई ढुङगामुडा भईरहेको र थप क्षति हुन नदिन जिल्ला प्रसासन कार्यालयले कफुर्य आदेश जारी गरेको हो ।

हनुमानको जन्मजयन्तीको अवसरमा निकालिएको याली इदगाह चौक छप्पैयामा पुग्नेबित्तिकै झडपका अबस्था भएको थियो । झडपको क्रममा १३ जना प्रहरी, केेही प्रर्दशनकारीहरु घाइते भएका र  हाल स्थति नियन्त्रणमा लिएको जिल्ला प्रहरी कार्यालय प्रमुख गौतम मिश्रले  नेपाल टेलिभिजनअनलाइनलाई जानकारी दिनुभयो ।

झडप नियन्त्रणमा लिन प्रहरीले केही राउन्ड अश्रुग्यास प्रहार गरेको छ । झडपको कारण र क्षतिको विवरण लगायत घटनाबारे थप जानकारी आउन बाँकी रहेको छ ।हाल छप्पैया चोकमा सुरक्षाकर्मीको उपस्थिति बाक्लो बनाइएको छ र स्थिति सामान्य बनाउने प्रयास जारी रहेको बताइएको छ ।

पर्साका पछिल्लो सुरक्षा अबस्थालाई लिएर प्रमुख जिल्ला अधिकारी गणेश अर्याल मैदानमा आफै खटिएका छन भने सुरक्षा अबस्था मजबुत बनाईएको छ । स्थानीय प्रत्यक्षदर्शीका अनुसार हनुमान जयन्तीको -याली छप्पैया चोकस्थित इदगाह नजिक पुगेपछि दुई पक्षबीच विवाद सुरु भएको र झडपको अबस्था आएको हो ।