चलचित्र ‘मोहर’ को साउन ९ गते ट्रेलर सार्बजनिक हुँदै

८१ पटक पढिएको

साउन ७ – नेपाली चलचित्र ‘मोहर’ को साउन ९ गते ट्रेलर सार्बजनिक हुने भएको छ।

साउन ९ गते दिउसो २ बजे ओएसआर डिजिटलको युट्युव च्यानल मार्फत उक्त फिल्मको ट्रेलर सार्वजनिक हुने फिल्मका निर्माता चुम्बनजंग शाहीले जानकारी दिनुभयो।

ओम प्रतिकको लेखन तथा निर्देशन रहेको चलचित्रमा पल शाह, बेनिशा हमाल, निती शाह, अर्जुन जंग शाही, मिथिला शर्मा, रवीन्द्र झा, लक्ष्मी गिरी, सुशिल देवकोटा र बाल–कलाकार सारा शर्माको अभिनय रहेको छ ।

चुम्बनजंग शाहीको लगानी रहेको चलचित्रमा दीपेन बस्न्यातको डीओपी, महर्जनको एक्सन, भूपेन्द्र अधिकारीको सम्पादन, सुरेश अधिकारी र एसडी योगीको संगीत, प्रमोद ढुंगाना र हर्क साउदको शब्द र कविराज गहतराज र रामजी लामिछानेको नृत्य निर्देशन रहेको छ ।

फिल्म मेकर्स प्रालिको व्यानरमा निर्माण भएको चलचित्रको छायांकन दाङ, अर्घाखाँची, रोल्पा, प्युठान र काठमाडौंमा गरिएको छ ।

चलचित्र ‘मोहर’ आगामी साउन २३ गते रिलिज हुने भएको छ ।

दुई साताअघि फिल्मको पहिलो गीत ‘चाहिँदैन मोहर, पर्दैन सुकी’ सार्वजनिक गरिएको थियो।

फिल्मको दोस्रो गीत  ‘झुम झुम झुम्किका’ समेत युट्युवमा सार्वजनिक भैसकेको हुँदा तलको लिङ्कबाट भिडियो हेर्न सकिन्छ।