एक्सेस एजुकेसन नेटवर्क चितवनले भदौ ९ गते “अष्ट्रेलिया एडमिसन डे” कार्यक्रम गर्दै

भदौ ३, चितवन – एक्सेस एजुकेसन नेटवर्क चितवन शाखाले भदौ ९ गते “अष्ट्रेलिया एडमिसन डे” कार्यक्रम गर्ने भएको छ।

अष्ट्रेलिया अध्ययनका लागि इच्छुक विद्यार्थी र अभिभावकहरुले प्रत्यक्षरुपमा एक्सेस एजुकेसन नेटवर्कको कमलनगर चितवन शाखा आएर परामर्श लिन सक्ने संस्थाले जानकारी दिएको छ।

यस अष्ट्रेलिया एडमिसन डे कार्यक्रममा अष्ट्रेलियाका उत्कृष्ट विश्वविद्यालय र त्यहाँ पढाई हुने बिभिन्न कोर्षहरु, छात्रबृत्ति, ट्युसन फी, आवेदन प्रकृया, डकुमेन्टेसन, IELTS & PTE तयारी कक्षा र आवश्यक पर्ने स्कोर लगायत जीवनयापनका लागि आवश्यक पर्ने खर्चबारे विद्यार्थी र उनका अभिभावकहरुलाई जानकारी दिने उद्देश्य रहेको एक्सेस एजुकेसन चितवन शाखा प्रमुख गौरब सापकोटाले बताउनुभयो।

यस पटकको अष्ट्रेलिया एडमिसन डेको अवसरमा एक्सेस एजुकेसन नेटवर्क चितवन शाखाबाट अध्ययनका लागि प्रोसेसिङ्ग गर्ने पहिलो १० जना विद्यार्थीको प्रोसेसिङ्ग चार्ज नि:शुल्क गरिदिने समेत उहाँले बताउनुभयो।

२० वर्षदेखि शैक्षिक परामर्श सेवामा क्रियाशील एक्सेस एजुकेसन नेटवर्क चितवन सहित देशका बिभिन्न दशवटा शहरमा शाखा रहेका छन्। संस्थाको न्यूजिल्याण्ड, युके, युएसए, क्यानडा, न्यूजिल्याण्ड र भारतमा समेत शाखा कार्यालय रहेको संस्थाले जानकारी दिएको छ।

लामो समयदेखि बैदेशिक अध्ययनका क्षेत्रका काम गर्दे आएको यस संस्था विद्यार्थी तथा अभिभावकको रोजाईमा पर्न सफल भएको छ।

चितवन मात्र नभई नवलपुर, मकवानपुर लगायत आसपासका जिल्लाबाट पनि विद्यार्थी तथा अभिभावकको सहभागिता रहने अपेक्षा गरिएको छ। मेलाको सञ्चालन समय बिहान ११ बजेदेखि ५ बजेसम्म हुने सापकोटाले जानकारी दिनुभयो।