नवलपुरमा रड प्रहार गरि श्रीमानले गरे श्रीमतीको हत्या

११९९ पटक पढिएको

गैंडाकोट- नवलपुरमा रड प्रहार गरि श्रीमानले आफ्नै श्रीमतीको हत्या गरेका छन्।

देवचुली नगरपालिका वडा नं ३ आम्बास बस्ने बर्ष ९० को दिल ब.थापाले फलामको रडले आफ्नै श्रीमती बर्ष ७६ की जमुना थापाको हत्या गरेका छन्।

हिजो राती ९:२० बजेको समयमा थापाले श्रीमतीको टाउकोमा रड प्रहार गर्दा घटनास्थलमानै मृत्यु भएको जिल्ला प्रहरी कार्यालय नवलपुरले जानकारी दिएको छ।

निज दिलबहादुरलाई प्रहरीले नियन्त्रणमा लिई थप अनुसन्धान भैरहेको प्रहरीले जानकारी दिएको छ। दिलबहादुर श्रीमती जमुना र छोरा बुहारी सँगै बस्दै आएका थिए।