काठमाडौँबाट कावासोती आउँदै गरेकी महिला गल्छीबाट सम्पर्कविहीन

५९४ पटक पढिएको

काठमाडौँ । काठमाडौँबाट हाइस माइक्रो चढेर नवलपुरको कावासोतीतर्फ आउँदै गरेकी एक जना महिला सम्पर्क विहीन भएकी छन् । आइतबार साँझ धादिङको गल्छीबाट उनी सम्पर्क विहीन भएकी हुन् ।

इलाका प्रहरी कार्यालय गजुरी र सशस्त्र प्रहरीको विपद् व्यवस्थापन बेस आदमघाटको टोलीले उनको खोजी थालेका छन् । शौच गर्न गएको ठाउँभन्दा करिब ५० फिट तल महिलाको एक जोर चप्पल भेटिएको छ ।

ती महिलाले चप्पल छाडेर नदीमा हाम फालेको हुनसक्ने खोजीमा संलग्न अधिकृतहरू बताउँछन् । नदी क्षेत्रमा खोजी तीव्र पारिएको छ । समाचार तयार गर्दा सम्म निज कतै फेला नपरेको इलाका प्रहरी कार्यालय गजुरीले जानकारी दिएको छ। चालकलाई नियन्त्रणमा लिईएको छ।