सेयर बजार ४०.४८ अंकले बढ्यो

काठमाडौं । साताको कारोबारको पहिलो दिन आज आइतबार सेयर बजार ४०.४८ अंकले बढेको छ। यससँगै नेप्से एक हजार ९ सय ८० दशमलब ०९ विन्दुमा बन्द भएको छ ।

नेप्से बढेसँगै कारोबार रकममा पनि वृद्धि भएको छ । आज तीन अर्ब ४५ करोड ४३ लाख रुपैयाँ बराबरको कारोबार भएको छ ।

आज दुई कम्पनीको शेयरमूल्यमा उच्च वृद्धि भएको छ । भूगोल इनर्जी डेभलपमेन्ट कम्पनीको शेयरमूल्य १० प्रतिशतले बढेर प्रतिकित्ता २४५ दशमलव ३० रुपैयाँ पुगेको छ । त्यस्तै, सिटी होटल्सको शेयरमूल्य ९.९९ प्रतिशतले बढेर प्रतिकित्ता १२२ दशमलव २० रुपैयाँ पुगेको छ ।

नेप्सेका अनुसार कारोबारको आधारमा आज सबैभन्दा बढी सिटिजन इनभेष्डमेन्ट ट्रष्टको ११ करोड ४७लाख रुपैयाँभन्दा बढीको कारोबार भएको छ ।

आज कारोबार भएका २१२ कम्पनीको शेयरमूल्य बढेको छ भने ६ कम्पनीकोे शेयरमूल्य घटेको छ । ५ कम्पनीको शेयरमूल्य स्थिर रहेको छ ।