अवरूद्ध नारायणगढ मुग्लिन सडक खुल्यो

३६२ पटक पढिएको

१७ असार, चितवन । पहिराेले अवरुद्ध भएको नारायणगढ मुग्लिन सडकखण्ड आइतबार साँझ पाैने ६ बजेपछि सञ्चालनमा आएको छ ।

इच्छाकामना गाउँपालिका-५ तुइन खाेलामा नारायणगढतर्फकाे भागमा खसेको पहिरोले  शनिबार रातिदेखि सडक अवरुद्ध भएको थियो ।

आज दिनभर एक्साभेटरले ढुंगा माटो फालेपछि सडक सञ्चालनमा आएको हो ।

सडक खुलेपछि शनिबार रातिदेखि सडकमा अलपत्र गाडीहरु गन्तव्यतर्फ लागेको जिल्ला प्रहरी कार्यालय चितवनले बताएको छ।