भायनेटकी सीईओ बोहरा सम्मानित

१५७ पटक पढिएको

काठमाडौँ। भायनेट कम्युनिकेशनकी सीईओ सेवा पाठक बोहरालाई वर्षको व्यावसायिक महिला २०२३ बाट सम्मानित गरिएको छ । स्ट्याण्डर्ड चार्टर्ड प्रिजेन्ट्स न्युबिज बिजनेस वुमन समिट एण्ड अवार्ड २०२३ मा आयोजित एक समारोहमा बोहरालाई सम्मान गरिएको हो ।

यस पुरस्कारले बोहराको उत्कृष्ट नेतृत्व र आइएसपी क्षेत्रमा आविष्कार र महिला सशक्तिकरणका लागि अटल प्रतिबद्धता झल्काउने कम्पनीले बताएको छ । सीईओ बोहराको चार्टर्ड एकाउन्टेन्टदेखि नेपालको प्रमुख मध्यको एक आइएसपी कम्पनीको नेतृत्वसम्मको यात्रा उनको समर्पण र असाधारण नेतृत्व क्षमताको प्रमाण हो ।

सन् २०११ मा नेपालमा पहिलो पटक फाइबर टु द होम प्रविधि पहिलो पटक नेपालमा सञ्चालनमा ल्याउने टोलीको अभिन्न अंगको रूपमा उनले नेपाली घर-घरमा इन्टरनेट जडानको अनुभव गर्ने तरिकामा क्रान्तिकारी परिवर्तन गर्न महत्वपूर्ण भूमिका निर्वाह गरेकी कम्पनीको भनाइ छ । सीईओ बोहराको दूरदर्शी मार्गदर्शनमा भायानेटले ९० सहरहरूमा आफ्नो नेटवर्क विस्तार गरेको छ । ५१ शाखा स्थापना गरेको छ र १५०० भन्दा बढी कर्मचारीलाई रोजगारी दिएको छ ।

भायानेटले बोहराको नेतृत्वले नवप्रवर्तन र ग्राहक सन्तुष्टीको लागि अथक प्रयासलाई अघि बढाएको छ । भरपर्दो र उच्च गतिको इन्टरनेटलाई देशका विभिन्न सहर र दूरदराजमा समेत सेवा विस्तार गरेर व्यक्ति र व्यवसायहरूलाई डिजिटल युगमा फस्टाउन सक्षम बनाउँदै सिमलेस कनेक्टिभिटी सुनिश्चित गर्ने भायानेटको निरन्तर प्रयास रहेको बताइएको छ । कारोबार दैनिकबाट