नारायणगढ देखि बुटवलको नयाँ भाडा ३१८ रूपैँया

१९७ पटक पढिएको

गैँडाकोट।  सरकारले पेट्रोलियम पदार्थमा स्वचालित मुल्य प्रणाली लागु गरेसँगै सार्वजनिक यातायातको भाडा पनि घटाएको छ । स्वचालित प्रणालीले डिजेल र पेट्रोलको मूल्य घटाएलगत्तै यातायात ब्यवस्था विभागले पनि भाडा समायोजन गरेको हो ।

स्वचालित प्रणालीअनुसार डिजेलमा ४ र पेट्रोलमा प्रतिलिटर ६ रुपैयाँ घटेको थियो । त्यसैलाई आधार बनाएर यातायात ब्यवस्था विभागले आजदेखि यात्रुबहाक सवारी साधनमा २.१३ प्रतिशत भाडा घटाएको छ ।

त्यस्तै नारायणगढदेखि बुटवलसम्म ११४ किलोमिटरको ३१८ रुपैयाँ रहेको छ । यसभन्दा अगाडि बुटवल नारायणगढको एकतर्फी भाडा ३२५ रूपैँया कायम गरिएको थियो।

कसैले तोकिएभन्दा बढि भाडा लिएमा यातायात ब्यवस्था विभागको हटलाइन नं ०१-४४७४७६७ तथा हेलो सरकारको पैसा नलाग्ने टोलफ्री नम्बर ११११  वा प्रहरी कार्यालयको टोलफ्री नं १०१ र १०३ मा तत्कालै सम्पर्क गर्न सकिने बिभागले जनाएको छ।