नवलपरासीमा हजुरबुवा र नाति मृत फेला

१०८ पटक पढिएको

नवलपरासी पश्चिमको सुस्ता गाउँपालिका ३ मर्चहवा बस्ने ६५ वर्षीय यक्षलाल चमार र उनकै ११ वर्षीय नाति गौचरण चमार मृत अवस्थामा फेला परेका छन् ।

उनीहरु आज बिहान ५ बजेर ५५ मिनेटमा घरदेखि करिब ५०० मिटर दक्षिणतर्फ मृत फेला परेका हुन् ।

निजहरुको शव १५ मिटर दुरिको फरकमा उत्तानो परेको अवस्थामा भेटिएको जिल्ला प्रहरी कार्यालय नवलपरासी पश्चिमका सूचना अधिकारी रमेश बोहराले जानकारी दिए ।

विगत ४/५ वर्ष अगाडिदेखि खपटाले छाएको कच्ची छाप्रोमा बस्दै आएका उनीहरूको  खेतीपाती गर्दै आएका थिए मृत्युको कारण नखुलेको र तालिमप्राप्त कुकुर झिकाइ थप अनुसन्धान भइरहेको प्रहरीले जनाएको छ ।