ट्राफिक प्रहरीले चलाएको बोलेरोको ठक्करबाट एक बालक गम्भीर घाइते

१५३ पटक पढिएको

सिन्धुपाल्चोक, फागुन २६ गते । ट्राफिक प्रहरीले चलाएको बोलेरोको ठक्करबाट एक बालक गम्भीर घाइते भएका छन् ।

ट्राफिक प्रहरी भूपाल लामाले चलाउनुभएको बा ७ च ५९६ नम्बरको बोलेरो गाडीको ठक्करबाट बाह्रबिसे नगरपालिका–३ का १३ वर्षीय दोर्जे शेर्पा गम्भीर घाइते हुनुभएको हो ।

बोलेरो चालक मोहन श्रेष्ठसँग ट्राफिक प्रहरी लामाले जबरजस्ती चाबी लिई ग्यास सिलिण्डर बोकेर (पुरानो) इलाका प्रहरी कार्यालय खोर्सानीबारीतर्फ जाँदै गर्दा उक्त दुर्घटना भएको हो ।

बोलेरोको ठक्करबाट बालकको कम्मर, खुट्टा, हात र शरीरका अन्य भागमा चोट लागेको उपचारमा संलग्न चिकित्सकले जनाएको छ । उक्त बोलेरो इलाका प्रहरी कार्यालय बाह्रबिसेले नियन्त्रणमा लिएको छ ।गोरखापत्रबाट