सौराहा फुड फेस्टिबलमा आज यी कलाकार आउँदै

१३९ पटक पढिएको

चितवन- प्रणय दिवसको अवसरमा सौराहामा जारी १९औैं फुड फेस्टिबलमा आज पनि विभिन्न राष्ट्रिय कलाकारहरु आउँदै छन् ।

प्रेमिल जोडीहरुलाई नचाउन आज प्रमोद खरेल, अर्जुन सापकोटा, मञ्जु पौडेल, शान्तिश्री परियार र परम्परा व्याण्ड आउँदै छ । त्यस्तै, रत्ननगर कला मन्दिरका कलाकारको प्रस्तुती सँगै विभिन खेलकुद प्रतियोगिताहरु रहेको फुड फेस्टिबल आयोजक संस्था रेष्टुरेण्ट एण्ड बार एशोसियसन नेपाल सौराहा (रेवान)का महासचिव नविन नेपालले बताए ।

माघ २९ गतेदेखि सुरु भएको फुड फेस्टिबल भोलि सम्पन्न हुँदै छ । फुड फेस्टिबल अन्तर्गत प्रथम रेवान कप महिला फुटबल प्रतियोगिता पनि जारी छ । उक्त प्रतियोगिता भोलि सम्पन्न हुनेछ ।

९० लाख खर्च हुने अनुमान गरिएको फेस्टिबल अबधिभर सौराहा क्षेत्र भित्र कार्यक्रम अवधिभर अनुमानित ३ करोड रुपैयाँसम्म कारोबार हुने अपेक्षा गरिएको छ । रत्ननगर नगरपालिका संरक्षक रहेको सो फेस्टिबलको सहआयोजकमा रेवान महिला समुह, क्षेत्रीय होटल संघ सौराहा र युनाईटेड हात्ती सञ्चालन सहकारी संस्था रहेका छन् । फेस्टिबल अबधिभर सौराहाका व्यसायीहरुले आवास र खानामा १० प्रतिशत छुट सुविधा दिएका छन् ।