चितवन उद्योग संघ महिला उद्यमी मञ्चद्वारा आयोजित खुल्ला रक्तदान कार्यक्रम सम्पन्न

भरतपुर/१५औं अन्तर्राष्ट्रिय नारी दिवसको अवसरमा चितवन उद्योग संघ महिला उद्यमी मञ्चद्वारा आयोजित खुल्ला रक्तदान कार्यक्रम सम्पन्न भएको छ ।

चितवन उद्योग संघ महिला उद्यमी मञ्चकी अध्यक्ष सृजना सोतीको अध्यक्षतामा सम्पन्न कार्यक्रममा चितवन उद्योग संघका कार्य बाहक अध्यक्ष मदन घिमिरे प्रमुख अतिथि रहनुभएको थियो ।

चितवन उद्योग संघ महिला उद्यमी मञ्चकी अध्यक्ष सृजना सोतीले स्वागत मन्तव्य सहित कार्यक्रमको उद्देश्य माथि प्रकाश पार्नु भएको रक्तदान कार्यक्रममा विशिष्ट अतिथि बागमती प्रदेश उद्योग परिसंघका बरिष्ठ उपाध्यक्ष त्रिलोचन कँडेलले ब्लड दिएर रक्तदान कार्यक्रमको शुभारम्भ गर्नुभएको थियो ।

कार्यक्रममा चितवन उद्योग संघका कार्य बाहक अध्यक्ष मदन घिमिरे, बागमती प्रदेश उद्योग परिसंघका बरिष्ठ उपाध्यक्ष त्रिलोचन कँडेल, बागमती प्रदेश उद्योग परिसंघ, महिला उद्यमी मञ्चकी अध्यक्ष चन्दना कोइराला लगायतले कार्यक्रमको सफलताको शुभकामना व्यक्त गर्नुभएको थियो ।

रक्तदान कार्यक्रमलाई सफल बनाउन सहयोग गर्नुहुने किसान बहुउद्देश्यीय सहकारी संस्था लि., भरतपुर–१६, चितवन, मोडेल पोल्ट्री उद्योग, भरतपुर, चितवन, फलफूल तथा तरकारी थोक व्यवसायी संघ, भरतपुर–२, चितवन लाई धन्यवाद हार्दिक आभार व्यक्त गरिएको थियो ।

रक्तदान कार्यक्रमलाई चितवन उद्योग संघ महिला उद्यमी मन्चकी उपाध्यक्ष कविता श्रेष्ठले संयोजन गर्नुभएको थियो । चितवन उद्योग संघ महिला उद्यमी मन्चकी सचिव गीता ढकालले सञ्चालन गर्नुभएको कार्यक्रमलाई चितवन उद्योग संघ महिला उद्यमी मन्चकी उपाध्यक्ष सरिता खनाल पौडेलले धन्यवाद सहित समापन गर्नुभएको थियो ।