एसईईमा अक्सफोर्ड स्कुलबाट उत्कृष्ट श्रेणीमा ५ जना

गैंडाकोटस्थित अक्सफोर्ड सेकन्डरी स्कुलका विद्यार्थीहरूले एसईई परिक्षा २०८१ मा अधिकांश विद्यार्थीहरू उच्च श्रेणीमा उत्तीर्ण भएका छन्।

विद्यालयका अनुसार कुल २३ जना विद्यार्थीहरूले परीक्षा दिएका थिए। जसमध्ये ५ जना विद्यार्थीले ३.६ जीपीए वा सोभन्दा माथि (A+), अर्थात् उत्कृष्ट श्रेणीमा सफलता प्राप्त गरेका छन्। त्यसैगरी, ५ जनाले ३.२ देखि ३.६ जीपीए (A) ल्याएका छन्, जुन पनि उत्कृष्ट प्रदर्शन मानिन्छ।

त्यसैगरी, १० जना विद्यार्थीहरूले २.८ देखि ३.२ जीपीए (B+) प्राप्त गरेका छन् भने २ जना विद्यार्थीको जीपीए २.४ देखि २.८ (B) को बीचमा रहेको छ। एक जना विद्यार्थी भने ‘नट ग्रेडेड (NG)’ मा परेका छन्।

विद्यार्थीहरूको कडा मेहनत शिक्षकहरूको निरन्तर मार्गदर्शन र अभिभावकहरूको विश्वास एवं साथले यस सफलतामा महत्वपूर्ण योगदान पुर्‍याएको विद्यालयका लेखा प्रमुख नारायण सिग्देलले बताउनुभयो।