सिटिजन्स बैङ्कद्धारा देवचुली नगर अस्पताललाई इसिजी मेसिन हस्तान्तरण

२५ पटक पढिएको

नवलपुरको देवचुलीमा रहेको नगर अस्पताललाई इसिजी मेसिन हस्तान्तरण गरिएको छ । अस्पतालमा बिरामीको सङ्ख्या दिनप्रतिदिन
बढ्दै जान थालेपछि सिटिजन्स बैङ्क इन्टरनेसनल लिमिटेड, धारापानी शाखाद्वारा इसिजी मेसिन हस्तान्तरण गरिएको नगर अस्पतालले जनाएको छ ।

बैङ्कले आफ्नो संस्थागत सामाजिक उत्तरदायित्व कार्यक्रम अन्तर्गत देवचुली नगर अस्पताललाई इसिजी मेसिन हस्तान्तरण गरेको
शाखा प्रबन्धक विश्वास ढुङ्गेलले बताउनुभयो ।

एक कार्यक्रमका बिच अस्पतालका मेडिकल सुपरिन्टेन्डेन्ट डा. कमलराज न्यौपानेलाई मेसिन हस्तान्तरण गरियो । शाखा प्रबन्धक ढुङ्गेलले बैङ्कले वित्तीय सेवासँगै सामाजिक उत्तरदायित्वलाई पनि उत्तिकै प्राथमिकतामा राख्दै शिक्षा, स्वास्थ्य तथा सामाजिक क्षेत्रमा विभिन्न सहयोगात्मक कार्यक्रम सञ्चालन गर्दै आएको जानकारी दिनुभयो ।
डा. न्यौपानेले उपकरणले अस्पतालमा आउने बिरामीलाई गुणस्तरीय सेवा प्रदान गर्न महत्वपूर्ण सहयोग पुग्ने बताउनुभयो ।