सहसचिव रानालाई १५ दिनभित्र स्पष्टीकरण पेस गर्न निर्देशन

१५ पटक पढिएको

काठमाडौँ । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले बिना सूचना लामो समयदेखि कार्यालयमा अनुपस्थित रहेका सहसचिव नरेन्द्र कुमार रानालाई १५ दिनभित्र स्पष्टीकरण (सफाई) पेस गर्न निर्देशन दिएको छ।

मन्त्रालयले मंगलबार सार्वजनिक सूचना जारी गर्दै उनलाई आफ्नो अनुपस्थितिको उचित कारणसहित सफाई पेस गर्न निर्देशन दिएको हो ।

लामो समयसम्म बिना बिदा कार्यालयमा अनुपस्थित रहेका सहसचिव रानालाई निजामती सेवा ऐन, २०४९ को दफा ६१(१) को खण्ड (छ) बमोजिमको कसुरमा सोही ऐनको दफा ५९ को खण्ड (ख) को देहाय (१) बमोजिम विभागीय सजाय किन नगर्ने भनी मन्त्रालयले स्पष्टीकरण सोधेको छ।