लिटिल फ्लावर सोसाईटीद्धारा राक्सिराङका १५० बढि घरपरिवारलाई खाद्यान्न वितरण

३५१ पटक पढिएको

नवलपुर अनलाइन। लिटिल फ्लावर सोसाईटीले मकवानपुरको राक्सिराङका १५० बढि घरपरिवारलाई खाद्यान्न वितरण गरेको छ।

मकवानपुरको राक्सीराङ्ग गाउंँपालिका वडा नम्बर ६ का डेढसय घरधुरीलाई आइतबार खाद्यान्न वितरण गरेको हो।

गैरसरकारी संस्था शान्ति मेड नेपालका Dr Ruth through काे आर्थिक सहयोग र लिटिल फ्लावर सोसाईटीको समन्वयमा आइतबार खाद्यान्न वितरण गरिएको थियो ।

संस्थाको नियमित तालिका अनुसार सिमान्तकृत समुदायको दैनिक जीवन सहज होस भन्ने हेतुले खाद्यान्न तथा पोषण वितरण गरिएको सोसाईटीका निर्देशक फादर रोवीकूले जानकारी दिनुभयो ।

उहांँका अनुसार सो वडाको सिलिङेमा रहेका ३ महिना र ६ महिनासम्म मात्रै खान पुग्ने १५० घरधुरीलाई एक बोरा चामल (३० किलो) र २ किलो दाल वितरण गरिएको हो ।

संविधानसभा सदस्य गोविन्दराम चेपाङको संयोजनमा भएको खाद्यान्न वितरण कार्यक्रममा नेपाल लिटिल फ्लावर सोसाईटीका निर्देशक फादर रोवीकू, फादर ज्याकभ, मिस्टर शाभियो र सिन्डो, वडा अध्यक्ष अक्कल बहादुर माेक्तान , कार्यपालिका सदस्य सिहंलाल चेपाङ, श्री राष्ट्रिय माध्यामिक विद्यालयका प्रधानाध्यापक लालुमाया चेपाङ, सिलिङे सामूदायिक वन उपभोक्ता समूहका अध्यक्ष कृष्णलाल तामाङ, समाजसेवी प्रशान्त चेपाङ लगायतको उपस्थिति रहेको थियो ।

आजभन्दा २८ वर्ष अघि स्थापना भएको नेपाल लिटिल फ्लावर सोसाईटीले चितवन, मकबानपुर, नवलपरासी, धादिङ, पर्सा लगायत देशका विभिन्न जिल्लाका विपन्न तथा सिमान्तकृत समूदायका लागि लाखौ मूल्यको खाद्यान्न वितरण गरिसकेको छ ।

सोसाइटीकै मातहतमा रहेर चितवनको खैरहनीमा अवस्थित नवोदय स्कुलमा कक्षा १० सम्म आवासीय सुविधा सहित चेपाङ समूदायका विद्यार्थीहरु अध्ययनरत छन् ।